---
title: "Young Jamie, Pride of a’ the Plain"
author: "Robert Burns"
form: "Song"
year: "1794"
tune: "The Carlin of the Glen"
location: "Dumfries"
source: "Project Gutenberg #1279 — Poems and Songs of Robert Burns"
source_url: "https://www.gutenberg.org/cache/epub/1279/pg1279.txt"
canonical_url: "https://robert-burns.com/poems/young-jamie-pride-of-a-the-plain/"
---

# Young Jamie, Pride of a’ the Plain

## Song
Young Jamie, pride of a’ the plain,  
Sae gallant and sae gay a swain,  
Thro’ a’ our lasses he did rove,  
And reign’d resistless King of Love.

But now, wi’ sighs and starting tears,  
He strays amang the woods and breirs;  
Or in the glens and rocky caves,  
His sad complaining dowie raves:—

“I wha sae late did range and rove,  
And chang’d with every moon my love,  
I little thought the time was near,  
Repentance I should buy sae dear.

“The slighted maids my torments see,  
And laugh at a’ the pangs I dree;  
While she, my cruel, scornful Fair,  
Forbids me e’er to see her mair.”

---

Source: [Project Gutenberg #1279 — Poems and Songs of Robert Burns](https://www.gutenberg.org/cache/epub/1279/pg1279.txt)  
Canonical HTML: https://robert-burns.com/poems/young-jamie-pride-of-a-the-plain/