---
title: "Wandering Willie"
author: "Robert Burns"
form: "Song"
year: "1793"
version: "First"
location: "Dumfries"
source: "Project Gutenberg #1279 — Poems and Songs of Robert Burns"
source_url: "https://www.gutenberg.org/cache/epub/1279/pg1279.txt"
canonical_url: "https://robert-burns.com/poems/wandering-willie-first/"
---

# Wandering Willie

## Song
Here awa, there awa, wandering Willie,  
Now tired with wandering, haud awa hame;  
Come to my bosom, my ae only dearie,  
And tell me thou bring’st me my Willie the same.  
Loud blew the cauld winter winds at our parting;  
It was na the blast brought the tear in my e’e:  
Now welcome the Simmer, and welcome my Willie,  
The Simmer to Nature, my Willie to me.

Ye hurricanes rest in the cave o’your slumbers,  
O how your wild horrors a lover alarms!  
Awaken ye breezes, row gently ye billows,  
And waft my dear laddie ance mair to my arms.  
But if he’s forgotten his faithfullest Nannie,  
O still flow between us, thou wide roaring main;  
May I never see it, may I never trow it,  
But, dying, believe that my Willie’s my ain!

---

Source: [Project Gutenberg #1279 — Poems and Songs of Robert Burns](https://www.gutenberg.org/cache/epub/1279/pg1279.txt)  
Canonical HTML: https://robert-burns.com/poems/wandering-willie-first/