---
title: "Up in the Morning Early"
author: "Robert Burns"
form: "Poem"
year: "1788"
location: "Mossgiel"
source: "Project Gutenberg #1279 — Poems and Songs of Robert Burns"
source_url: "https://www.gutenberg.org/cache/epub/1279/pg1279.txt"
canonical_url: "https://robert-burns.com/poems/up-in-the-morning-early/"
---

# Up in the Morning Early

## Poem
Cauld blaws the wind frae east to west,  
The drift is driving sairly;  
Sae loud and shill’s I hear the blast—  
I’m sure it’s winter fairly.

*Chorus*  
Up in the morning’s no for me,  
Up in the morning early;  
When a’ the hills are covered wi’ snaw,  
I’m sure it’s winter fairly.

The birds sit chittering in the thorn,  
A’ day they fare but sparely;  
And lang’s the night frae e’en to morn—  
I’m sure it’s winter fairly.

*Chorus*  
Up in the morning’s no for me,  
Up in the morning early;  
When a’ the hills are covered wi’ snaw,  
I’m sure it’s winter fairly.

How Long And Dreary Is The Night

How long and dreary is the night,  
When I am frae my dearie!  
I sleepless lie frae e’en to morn,  
Tho’ I were ne’er so weary:  
I sleepless lie frae e’en to morn,  
Tho’ I were ne’er sae weary!

When I think on the happy days  
I spent wi’ you my dearie:  
And now what lands between us lie,  
How can I be but eerie!  
And now what lands between us lie,  
How can I be but eerie!

How slow ye move, ye heavy hours,  
As ye were wae and weary!  
It wasna sae ye glinted by,  
When I was wi’ my dearie!  
It wasna sae ye glinted by,  
When I was wi’ my dearie!

---

Source: [Project Gutenberg #1279 — Poems and Songs of Robert Burns](https://www.gutenberg.org/cache/epub/1279/pg1279.txt)  
Canonical HTML: https://robert-burns.com/poems/up-in-the-morning-early/