---
title: "’Twas Na Her Bonie Blue E’e"
author: "Robert Burns"
form: "Song"
year: "1795"
tune: "Laddie, lie near me"
location: "Dumfries"
source: "Project Gutenberg #1279 — Poems and Songs of Robert Burns"
source_url: "https://www.gutenberg.org/cache/epub/1279/pg1279.txt"
canonical_url: "https://robert-burns.com/poems/twas-na-her-bonie-blue-ee/"
---

# ’Twas Na Her Bonie Blue E’e

## Song
’Twas na her bonie blue e’e was my ruin,  
Fair tho’ she be, that was ne’er my undoin’;  
’Twas the dear smile when nae body did mind us,  
’Twas the bewitching, sweet, stown glance o’ kindness:  
’Twas the bewitching, sweet, stown glance o’ kindness.

Sair do I fear that to hope is denied me,  
Sair do I fear that despair maun abide me,  
But tho’ fell fortune should fate us to sever,  
Queen shall she be in my bosom for ever:  
Queen shall she be in my bosom for ever.

Chloris, I’m thine wi’ a passion sincerest,  
And thou hast plighted me love o’ the dearest!  
And thou’rt the angel that never can alter,  
Sooner the sun in his motion would falter:  
Sooner the sun in his motion would falter.

---

Source: [Project Gutenberg #1279 — Poems and Songs of Robert Burns](https://www.gutenberg.org/cache/epub/1279/pg1279.txt)  
Canonical HTML: https://robert-burns.com/poems/twas-na-her-bonie-blue-ee/