To the Weavers Gin Ye Go

My heart was ance as blithe and freeAs simmer days were lang;But a bonie, westlin weaver ladHas gart me change my sang.

Chorus

To the weaver’s gin ye go, fair maids,To the weaver’s gin ye go;I rede you right, gang ne’er at night,To the weaver’s gin ye go.8

My mither sent me to the town,To warp a plaiden wab;But the weary, weary warpin o’tHas gart me sigh and sab.

Chorus

To the weaver’s gin ye go, fair maids,To the weaver’s gin ye go;I rede you right, gang ne’er at night,To the weaver’s gin ye go.16

A bonie, westlin weaver ladSat working at his loom;He took my heart as wi’ a net,In every knot and thrum.

Chorus

To the weaver’s gin ye go, fair maids,To the weaver’s gin ye go;I rede you right, gang ne’er at night,To the weaver’s gin ye go.24

I sat beside my warpin-wheel,And aye I ca’d it roun’;But every shot and evey knock,My heart it gae a stoun.

Chorus

To the weaver’s gin ye go, fair maids,To the weaver’s gin ye go;I rede you right, gang ne’er at night,To the weaver’s gin ye go.32

The moon was sinking in the west,Wi’ visage pale and wan,As my bonie, westlin weaver ladConvoy’d me thro’ the glen.

Chorus

To the weaver’s gin ye go, fair maids,To the weaver’s gin ye go;I rede you right, gang ne’er at night,To the weaver’s gin ye go.40

But what was said, or what was done,Shame fa’ me gin I tell;But Oh! I fear the kintra soonWill ken as weel’s myself!

Chorus

To the weaver’s gin ye go, fair maids,To the weaver’s gin ye go;I rede you right, gang ne’er at night,To the weaver’s gin ye go.48