---
title: "This Is No My Ain Lassie"
author: "Robert Burns"
form: "Song"
year: "1795"
tune: "This is no my house"
location: "Dumfries"
source: "Project Gutenberg #1279 — Poems and Songs of Robert Burns"
source_url: "https://www.gutenberg.org/cache/epub/1279/pg1279.txt"
canonical_url: "https://robert-burns.com/poems/this-is-no-my-ain-lassie/"
---

# This Is No My Ain Lassie

## Song
*Chorus*  
This is no my ain lassie,  
Fair tho, the lassie be;  
Weel ken I my ain lassie,  
Kind love is in her e’re.

I see a form, I see a face,  
Ye weel may wi’ the fairest place;  
It wants, to me, the witching grace,  
The kind love that’s in her e’e.

*Chorus*  
This is no my ain lassie,  
Fair tho, the lassie be;  
Weel ken I my ain lassie,  
Kind love is in her e’re.

She’s bonie, blooming, straight, and tall,  
And lang has had my heart in thrall;  
And aye it charms my very saul,  
The kind love that’s in her e’e.

*Chorus*  
This is no my ain lassie,  
Fair tho, the lassie be;  
Weel ken I my ain lassie,  
Kind love is in her e’re.

A thief sae pawkie is my Jean,  
To steal a blink, by a’ unseen;  
But gleg as light are lover’s een,  
When kind love is in her e’e.

*Chorus*  
This is no my ain lassie,  
Fair tho, the lassie be;  
Weel ken I my ain lassie,  
Kind love is in her e’re.

It may escape the courtly sparks,  
It may escape the learned clerks;  
But well the watching lover marks  
The kind love that’s in her eye.

*Chorus*  
This is no my ain lassie,  
Fair tho, the lassie be;  
Weel ken I my ain lassie,  
Kind love is in her e’re.

---

Source: [Project Gutenberg #1279 — Poems and Songs of Robert Burns](https://www.gutenberg.org/cache/epub/1279/pg1279.txt)  
Canonical HTML: https://robert-burns.com/poems/this-is-no-my-ain-lassie/