---
title: "The Young Highland Rover"
author: "Robert Burns"
form: "Song"
year: "1787"
tune: "Morag"
location: "Edinburgh"
source: "Project Gutenberg #1279 — Poems and Songs of Robert Burns"
source_url: "https://www.gutenberg.org/cache/epub/1279/pg1279.txt"
canonical_url: "https://robert-burns.com/poems/the-young-highland-rover/"
---

# The Young Highland Rover

## Song
Loud blaw the frosty breezes,  
The snaws the mountains cover;  
Like winter on me seizes,  
Since my young Highland rover  
Far wanders nations over.

Where’er he go, where’er he stray,  
May heaven be his warden;  
Return him safe to fair Strathspey,  
And bonie Castle-Gordon!

The trees, now naked groaning,  
Shall soon wi’ leaves be hinging,  
The birdies dowie moaning,  
Shall a’ be blythely singing,  
And every flower be springing;  
Sae I’ll rejoice the lee-lang day,  
When by his mighty Warden  
My youth’s return’d to fair Strathspey,  
And bonie Castle-Gordon.

---

Source: [Project Gutenberg #1279 — Poems and Songs of Robert Burns](https://www.gutenberg.org/cache/epub/1279/pg1279.txt)  
Canonical HTML: https://robert-burns.com/poems/the-young-highland-rover/