---
title: "The Lovely Lass o’ Inverness"
author: "Robert Burns"
form: "Poem"
year: "1794"
location: "Dumfries"
source: "Project Gutenberg #1279 — Poems and Songs of Robert Burns"
source_url: "https://www.gutenberg.org/cache/epub/1279/pg1279.txt"
canonical_url: "https://robert-burns.com/poems/the-lovely-lass-o-inverness/"
---

# The Lovely Lass o’ Inverness

## Poem
The lovely lass o’ Inverness,  
Nae joy nor pleasure can she see;  
For, e’en to morn she cries, alas!  
And aye the saut tear blin’s her e’e.

“Drumossie moor, Drumossie day—  
A waefu’ day it was to me!  
For there I lost my father dear,  
My father dear, and brethren three.

“Their winding-sheet the bluidy clay,  
Their graves are growin’ green to see;  
And by them lies the dearest lad  
That ever blest a woman’s e’e!

“Now wae to thee, thou cruel lord,  
A bluidy man I trow thou be;  
For mony a heart thou has made sair,  
That ne’er did wrang to thine or thee!”

---

Source: [Project Gutenberg #1279 — Poems and Songs of Robert Burns](https://www.gutenberg.org/cache/epub/1279/pg1279.txt)  
Canonical HTML: https://robert-burns.com/poems/the-lovely-lass-o-inverness/