---
title: "The Cardin O’t, the Spinnin O’t"
author: "Robert Burns"
form: "Poem"
year: "1795"
location: "Dumfries"
source: "Project Gutenberg #1279 — Poems and Songs of Robert Burns"
source_url: "https://www.gutenberg.org/cache/epub/1279/pg1279.txt"
canonical_url: "https://robert-burns.com/poems/the-cardin-ot-the-spinnin-ot/"
---

# The Cardin O’t, the Spinnin O’t

## Poem
I coft a stane o’ haslock woo’,  
To mak a wab to Johnie o’t;  
For Johnie is my only jo,  
I loe him best of onie yet.

*Chorus*  
The cardin’ o’t, the spinnin’ o’t,  
The warpin’ o’t, the winnin’ o’t;  
When ilka ell cost me a groat,  
The tailor staw the lynin’ o’t.

For tho’ his locks be lyart grey,  
And tho’ his brow be beld aboon,  
Yet I hae seen him on a day,  
The pride of a’ the parishen.

*Chorus*  
The cardin’ o’t, the spinnin’ o’t,  
The warpin’ o’t, the winnin’ o’t;  
When ilka ell cost me a groat,  
The tailor staw the lynin’ o’t.

---

Source: [Project Gutenberg #1279 — Poems and Songs of Robert Burns](https://www.gutenberg.org/cache/epub/1279/pg1279.txt)  
Canonical HTML: https://robert-burns.com/poems/the-cardin-ot-the-spinnin-ot/