---
title: "The Braes o’ Killiecrankie"
author: "Robert Burns"
form: "Poem"
year: "1789"
location: "Ellisland"
source: "Project Gutenberg #1279 — Poems and Songs of Robert Burns"
source_url: "https://www.gutenberg.org/cache/epub/1279/pg1279.txt"
canonical_url: "https://robert-burns.com/poems/the-braes-o-killiecrankie/"
---

# The Braes o’ Killiecrankie

## Poem
Where hae ye been sae braw, lad?  
Whare hae ye been sae brankie, O?  
Whare hae ye been sae braw, lad?  
Cam ye by Killiecrankie, O?

*Chorus*  
An ye had been whare I hae been,  
Ye wad na been sae cantie, O;  
An ye had seen what I hae seen,  
I’ the Braes o’ Killiecrankie, O.

I faught at land, I faught at sea,  
At hame I faught my Auntie, O;  
But I met the devil an’ Dundee,  
On the Braes o’ Killiecrankie, O.

*Chorus*  
An ye had been whare I hae been,  
Ye wad na been sae cantie, O;  
An ye had seen what I hae seen,  
I’ the Braes o’ Killiecrankie, O.

The bauld Pitcur fell in a furr,  
An’ Clavers gat a clankie, O;  
Or I had fed an Athole gled,  
On the Braes o’ Killiecrankie, O.

*Chorus*  
An ye had been whare I hae been,  
Ye wad na been sae cantie, O;  
An ye had seen what I hae seen,  
I’ the Braes o’ Killiecrankie, O.

---

Source: [Project Gutenberg #1279 — Poems and Songs of Robert Burns](https://www.gutenberg.org/cache/epub/1279/pg1279.txt)  
Canonical HTML: https://robert-burns.com/poems/the-braes-o-killiecrankie/