---
title: "Scroggam, My Dearie"
author: "Robert Burns"
form: "Poem"
year: "1792"
location: "Dumfries"
source: "Project Gutenberg #1279 — Poems and Songs of Robert Burns"
source_url: "https://www.gutenberg.org/cache/epub/1279/pg1279.txt"
canonical_url: "https://robert-burns.com/poems/scroggam-my-dearie/"
---

# Scroggam, My Dearie

## Poem
There was a wife wonn’d in Cockpen, Scroggam;  
She brew’d gude ale for gentlemen;  
Sing auld Cowl lay ye down by me,  
Scroggam, my dearie, ruffum.

The gudewife’s dochter fell in a fever, Scroggam;  
The priest o’ the parish he fell in anither;  
Sing auld Cowl lay ye down by me,  
Scroggam, my dearie, ruffum.

They laid the twa i’ the bed thegither, Scroggam;  
That the heat o’ the tane might cool the tither;  
Sing auld Cowl, lay ye down by me,  
Scroggam, my dearie, ruffum.

---

Source: [Project Gutenberg #1279 — Poems and Songs of Robert Burns](https://www.gutenberg.org/cache/epub/1279/pg1279.txt)  
Canonical HTML: https://robert-burns.com/poems/scroggam-my-dearie/