Chorus
My lady’s gown, there’s gairs upon’t,And gowden flowers sae rare upon’t;But Jenny’s jimps and jirkinet,My lord thinks meikle mair upon’t.4My lord a-hunting he is gone,But hounds or hawks wi’ him are nane;By Colin’s cottage lies his game,If Colin’s Jenny be at hame.8
Chorus
My lady’s gown, there’s gairs upon’t,And gowden flowers sae rare upon’t;But Jenny’s jimps and jirkinet,My lord thinks meikle mair upon’t.12My lady’s white, my lady’s red,And kith and kin o’ Cassillis’ blude;But her ten-pund lands o’ tocher gude;Were a’ the charms his lordship lo’ed.16
Chorus
My lady’s gown, there’s gairs upon’t,And gowden flowers sae rare upon’t;But Jenny’s jimps and jirkinet,My lord thinks meikle mair upon’t.20Out o’er yon muir, out o’er yon moss,Whare gor-cocks thro’ the heather pass,There wons auld Colin’s bonie lass,A lily in a wilderness.24
Chorus
My lady’s gown, there’s gairs upon’t,And gowden flowers sae rare upon’t;But Jenny’s jimps and jirkinet,My lord thinks meikle mair upon’t.28Sae sweetly move her genty limbs,Like music notes o’lovers’ hymns:The diamond-dew in her een sae blue,Where laughing love sae wanton swims.32
Chorus
My lady’s gown, there’s gairs upon’t,And gowden flowers sae rare upon’t;But Jenny’s jimps and jirkinet,My lord thinks meikle mair upon’t.36My lady’s dink, my lady’s drest,The flower and fancy o’ the west;But the lassie than a man lo’es best,O that’s the lass to mak him blest.40
Chorus
My lady’s gown, there’s gairs upon’t,And gowden flowers sae rare upon’t;But Jenny’s jimps and jirkinet,My lord thinks meikle mair upon’t.44