---
title: "My Hoggie"
author: "Robert Burns"
form: "Song"
year: "1788"
location: "Mossgiel"
source: "Project Gutenberg #1279 — Poems and Songs of Robert Burns"
source_url: "https://www.gutenberg.org/cache/epub/1279/pg1279.txt"
canonical_url: "https://robert-burns.com/poems/my-hoggie/"
---

# My Hoggie

## Song
What will I do gin my Hoggie die?  
My joy, my pride, my Hoggie!  
My only beast, I had nae mae,  
And vow but I was vogie!  
The lee-lang night we watch’d the fauld,  
Me and my faithfu’ doggie;  
We heard nocht but the roaring linn,  
Amang the braes sae scroggie.

But the houlet cry’d frau the castle wa’,  
The blitter frae the boggie;  
The tod reply’d upon the hill,  
I trembled for my Hoggie.  
When day did daw, and cocks did craw,  
The morning it was foggie;  
An unco tyke, lap o’er the dyke,  
And maist has kill’d my Hoggie!

---

Source: [Project Gutenberg #1279 — Poems and Songs of Robert Burns](https://www.gutenberg.org/cache/epub/1279/pg1279.txt)  
Canonical HTML: https://robert-burns.com/poems/my-hoggie/