---
title: "John Anderson, My Jo"
author: "Robert Burns"
form: "Song"
year: "1789"
location: "Ellisland"
source: "Project Gutenberg #1279 — Poems and Songs of Robert Burns"
source_url: "https://www.gutenberg.org/cache/epub/1279/pg1279.txt"
canonical_url: "https://robert-burns.com/poems/john-anderson-my-jo/"
---

# John Anderson, My Jo

## Song
John Anderson, my jo, John,  
When we were first acquent;  
Your locks were like the raven,  
Your bonie brow was brent;  
But now your brow is beld, John,  
Your locks are like the snaw;  
But blessings on your frosty pow,  
John Anderson, my jo.

John Anderson, my jo, John,  
We clamb the hill thegither;  
And mony a cantie day, John,  
We’ve had wi’ ane anither:  
Now we maun totter down, John,  
And hand in hand we’ll go,  
And sleep thegither at the foot,  
John Anderson, my jo.

---

Source: [Project Gutenberg #1279 — Poems and Songs of Robert Burns](https://www.gutenberg.org/cache/epub/1279/pg1279.txt)  
Canonical HTML: https://robert-burns.com/poems/john-anderson-my-jo/