---
title: "I Hae a Wife o’ My Ain"
author: "Robert Burns"
form: "Song"
year: "1788"
location: "Mossgiel"
source: "Project Gutenberg #1279 — Poems and Songs of Robert Burns"
source_url: "https://www.gutenberg.org/cache/epub/1279/pg1279.txt"
canonical_url: "https://robert-burns.com/poems/i-hae-a-wife-o-my-ain/"
---

# I Hae a Wife o’ My Ain

## Song
I Hae a wife of my ain,  
I’ll partake wi’ naebody;  
I’ll take Cuckold frae nane,  
I’ll gie Cuckold to naebody.

I hae a penny to spend,  
There—thanks to naebody!  
I hae naething to lend,  
I’ll borrow frae naebody.

I am naebody’s lord,  
I’ll be slave to naebody;  
I hae a gude braid sword,  
I’ll tak dunts frae naebody.

I’ll be merry and free,  
I’ll be sad for naebody;  
Naebody cares for me,  
I care for naebody.

---

Source: [Project Gutenberg #1279 — Poems and Songs of Robert Burns](https://www.gutenberg.org/cache/epub/1279/pg1279.txt)  
Canonical HTML: https://robert-burns.com/poems/i-hae-a-wife-o-my-ain/