---
title: "Highland Harry Back Again"
author: "Robert Burns"
form: "Poem"
year: "1789"
location: "Ellisland"
source: "Project Gutenberg #1279 — Poems and Songs of Robert Burns"
source_url: "https://www.gutenberg.org/cache/epub/1279/pg1279.txt"
canonical_url: "https://robert-burns.com/poems/highland-harry-back-again/"
---

# Highland Harry Back Again

## Poem
My Harry was a gallant gay,  
Fu’ stately strade he on the plain;  
But now he’s banish’d far away,  
I’ll never see him back again.

*Chorus*  
O for him back again!  
O for him back again!  
I wad gie a’ Knockhaspie’s land  
For Highland Harry back again.

When a’ the lave gae to their bed,  
I wander dowie up the glen;  
I set me down and greet my fill,  
And aye I wish him back again.

*Chorus*  
O for him back again!  
O for him back again!  
I wad gie a’ Knockhaspie’s land  
For Highland Harry back again.

O were some villains hangit high,  
And ilka body had their ain!  
Then I might see the joyfu’ sight,  
My Highland Harry back again.

*Chorus*  
O for him back again!  
O for him back again!  
I wad gie a’ Knockhaspie’s land  
For Highland Harry back again.

---

Source: [Project Gutenberg #1279 — Poems and Songs of Robert Burns](https://www.gutenberg.org/cache/epub/1279/pg1279.txt)  
Canonical HTML: https://robert-burns.com/poems/highland-harry-back-again/