---
title: "Crowdie Ever Mair"
author: "Robert Burns"
form: "Poem"
year: "1795"
location: "Dumfries"
source: "Project Gutenberg #1279 — Poems and Songs of Robert Burns"
source_url: "https://www.gutenberg.org/cache/epub/1279/pg1279.txt"
canonical_url: "https://robert-burns.com/poems/crowdie-ever-mair/"
---

# Crowdie Ever Mair

## Poem
O that I had ne’er been married,  
I wad never had nae care,  
Now I’ve gotten wife an’ weans,  
An’ they cry “Crowdie” evermair.

*Chorus*  
Ance crowdie, twice crowdie,  
Three times crowdie in a day  
Gin ye crowdie ony mair,  
Ye’ll crowdie a’ my meal away.

Waefu’ Want and Hunger fley me,  
Glowrin’ by the hallan en’;  
Sair I fecht them at the door,  
But aye I’m eerie they come ben.

*Chorus*  
Ance crowdie, twice crowdie,  
Three times crowdie in a day  
Gin ye crowdie ony mair,  
Ye’ll crowdie a’ my meal away.

---

Source: [Project Gutenberg #1279 — Poems and Songs of Robert Burns](https://www.gutenberg.org/cache/epub/1279/pg1279.txt)  
Canonical HTML: https://robert-burns.com/poems/crowdie-ever-mair/