---
title: "Craigieburn Wood"
author: "Robert Burns"
form: "Poem"
year: "1795"
location: "Dumfries"
source: "Project Gutenberg #1279 — Poems and Songs of Robert Burns"
source_url: "https://www.gutenberg.org/cache/epub/1279/pg1279.txt"
canonical_url: "https://robert-burns.com/poems/craigieburn-wood-2/"
---

# Craigieburn Wood

## Poem
Sweet fa’s the eve on Craigieburn,  
And blythe awakes the morrow;  
But a’ the pride o’ Spring’s return  
Can yield me nocht but sorrow.

I see the flowers and spreading trees,  
I hear the wild birds singing;  
But what a weary wight can please,  
And Care his bosom wringing!

Fain, fain would I my griefs impart,  
Yet dare na for your anger;  
But secret love will break my heart,  
If I conceal it langer.

If thou refuse to pity me,  
If thou shalt love another,  
When yon green leaves fade frae the tree,  
Around my grave they’ll wither.

---

Source: [Project Gutenberg #1279 — Poems and Songs of Robert Burns](https://www.gutenberg.org/cache/epub/1279/pg1279.txt)  
Canonical HTML: https://robert-burns.com/poems/craigieburn-wood-2/