---
title: "Bonie Peggy Alison"
author: "Robert Burns"
form: "Song"
year: "1780"
tune: "The Braes o’ Balquhidder"
location: "Lochlea"
source: "Project Gutenberg #1279 — Poems and Songs of Robert Burns"
source_url: "https://www.gutenberg.org/cache/epub/1279/pg1279.txt"
canonical_url: "https://robert-burns.com/poems/bonie-peggy-alison/"
---

# Bonie Peggy Alison

## Song
*Chorus*  
And I’ll kiss thee yet, yet,  
And I’ll kiss thee o’er again:  
And I’ll kiss thee yet, yet,  
My bonie Peggy Alison.

Ilk care and fear, when thou art near  
I evermair defy them, O!  
Young kings upon their hansel throne  
Are no sae blest as I am, O!

*Chorus*  
And I’ll kiss thee yet, yet,  
And I’ll kiss thee o’er again:  
And I’ll kiss thee yet, yet,  
My bonie Peggy Alison.

When in my arms, wi’ a’ thy charms,  
I clasp my countless treasure, O!  
I seek nae mair o’ Heaven to share  
Than sic a moment’s pleasure, O!

*Chorus*  
And I’ll kiss thee yet, yet,  
And I’ll kiss thee o’er again:  
And I’ll kiss thee yet, yet,  
My bonie Peggy Alison.

And by thy een sae bonie blue,  
I swear I’m thine for ever, O!  
And on thy lips I seal my vow,  
And break it shall I never, O!

*Chorus*  
And I’ll kiss thee yet, yet,  
And I’ll kiss thee o’er again:  
And I’ll kiss thee yet, yet,  
My bonie Peggy Alison.

---

Source: [Project Gutenberg #1279 — Poems and Songs of Robert Burns](https://www.gutenberg.org/cache/epub/1279/pg1279.txt)  
Canonical HTML: https://robert-burns.com/poems/bonie-peggy-alison/