---
title: "A Red, Red Rose"
author: "Robert Burns"
form: "Song"
year: "1794"
location: "Dumfries"
source: "Project Gutenberg #1279 — Poems and Songs of Robert Burns"
source_url: "https://www.gutenberg.org/cache/epub/1279/pg1279.txt"
canonical_url: "https://robert-burns.com/poems/a-red-red-rose/"
---

# A Red, Red Rose

## Song
O my Luve’s like a red, red rose,  
That’s newly sprung in June:  
O my Luve’s like the melodie,  
That’s sweetly play’d in tune.

As fair art thou, my bonie lass,  
So deep in luve am I;  
And I will luve thee still, my dear,  
Till a’ the seas gang dry.

Till a’ the seas gang dry, my dear,  
And the rocks melt wi’ the sun;  
And I will luve thee still, my dear,  
While the sands o’ life shall run.

And fare-thee-weel, my only Luve!  
And fare-thee-weel, a while!  
And I will come again, my Luve,  
Tho’ ’twere ten thousand mile!

---

Source: [Project Gutenberg #1279 — Poems and Songs of Robert Burns](https://www.gutenberg.org/cache/epub/1279/pg1279.txt)  
Canonical HTML: https://robert-burns.com/poems/a-red-red-rose/